Letteratura e Poesie

Stampa
Categoria principale: Cultura Calabrese Categoria: Cultura Calabrese Creato Mercoledì, 22 Settembre 2010 Ultima modifica il Martedì, 28 Maggio 2013 Pubblicato Mercoledì, 22 Settembre 2010

 

Asprumunti
di Napoleone Vitale
Poeta e scrittore, nato a Bova, ha saputo interpretare i sentimenti e la coscienza culturale del suo terrotorio. La sua poesia Asprumunti é diventata popolare ed accomuna tutti i calabresi.
 
Asprumunti

Non 'ndavi cchiù restuccia a la campagna
ora chi agustu bampa la marina;
o pecuraru, re di la muntagna,
dassa lu chianu e pigghia la pendina.

'Nta na bertula menti pochi pani,
cunta e ricunta pecuri e muntuni,
'rringa la mandria avanti cu li cani,
arretu vanci tu cu lu bastuni.

E camina, camina, pecuraru.....
sarta li timpi e passa li ghiumari:
cu sapi quantu tempu t'aspettaru
li cosi chi dassasti a li pagghiari!

Non ti fermari, sèguita la strata,
fina ca non arrivi a 'nu strapunti,
d'undi  'nu munti, arretu 'na votata,
jisa la testa e scombogghia la frunti.

Vicinu a tia 'na stroffa di zappini
a lu surinu li capiddhi sprundi;
e poi luntanu chi non pari fini
lu celu cu lu mari si cunfundi.

Persu 'ntra l'aria, all'occhi toi davanti,
Asprumunti ti guarda e resta mutu:
pari 'nu vecchiu, pari 'nu giganti,
pari 'nu santu. Fanci lu salutu!

Dinci: <
l'ura chi mi cunsula e m'accumpagna,
santu Asprumunti: si luntanu jia,
surda era l'aria e la terra sulagna.

Ma ora chi ti  viju, e la to' buci
mi porta li carizzi di lu ventu,
fazzu lu signu di la santa cruci,
e a l' umbra tua 
mi curcu e mi ddormentu>>

E dormi, dormi, ca lu sonnu veni,
dopo vintiquattr'uri di caminu.
E non  nci faci nenti si non teni
'nu matarazzu musciu e 'nu coscinu.

Quandu nci su li fogghi di la serra,
e 'nta li fossi non luci lu jelu,
non ndavi lettu megghiu di la terra,
non c'è suffittu megghiu di lu celu!

Calabresi

di Giuseppina Amodei

Dinnu ca simu i figghi furtunati

'ndavimu u suli pe' pani profumatu

e u mari duci pe' stutari a siti

Dinnu ca stu profumu gersuminu

chi s'imbrischia cu rrangia e cu limuna

fu 'mpastatu cu nostru stessu cori

'Ndi dissiru co turcu e lu normannu

u grecu l'armenu e u bizantinu

ficiru razza pura da bastarda

e ca li nostri 'ntinni du penseru

'ndannu u poteri i sgrancinannu a luna

Ma nugghu 'ndi 'nformau ca simu stati

da sempre ttraversati e 'ntrappulati

da vortici da timpa e da tempesta

ca simu  criaturi scarsi e nudi

e 'ndi sfrattaru da lu nostru tajiu

da li casi di rocca e di sdirrupu

E ccussì  suli suli 'ndi 'ndi jimmu

intra a rrughi di strani - nui straneri -

chi nostri testi all'aria e a nostra voria

e sperti e muti sempri in cerca in cerca

i chigh'urtimu mmorzu i poesia

chi nnughu mai lu potti 'mpastoiari 

chi nnugghu stuta e nnugghu po' llordari

mancu li vuci chi s'incappucciaru

Ora 'mpastammu a nostra crita duci 

ca crita carda du rrestu du mundu

ora potimu diri ca sapimu

quandu cocchiunu parra du doluri

ma non volimu fari na bandera
ma non volimu fare na bandera.

 

 

EU PREGU NOTTI E JORNU LU SIGNURI

CA TUTTI I FIGGHI TOI HANNU A TURNARI

LU SANNU CA TU SI MALATA I CORI

LU SANNU CA CCUSI' NON POI CAMPARI

CALABRIA MIA

I MEGGHIU FIGGHI SI DI IRU FORA

A FA' FURTUNA CU NA CATINA E PEDI

E TU RISTASTI TA STI QUATTRU MURA

CALABRIA MIA

CALABRIA MIA

CA SI SICCARU PURU LI FIUMARI

E RIMANIRU SULU PIANTI E FIURI

U NUSTRU PIANTU VA A FINIRI A MARI

CALABRIA MIA

CALABRIA MIA

SIMU MALATI D'AMURI SIMU MALATI

COMU A STI MANDULINI E STI CHITARRI

CIANGI STU CORI DI NOSTALGIA

CIANGI PI TTIA CALABRIA MIA

CIANGI STU CORI DI NOSTALGIA

CIANGI PI TTIA CALABRIA MIA

A MAMMA PREGA SEMPRI LA MADONNA

CA VOLI LI SO FIGGHI TA SO TERRA

E PREGA PREGA U CORI CIANGI E AFFANNA

SI C'E' LAVURU CCA SO FIGGHIU TORNA

CALABRIA MIA

I MEGGHIU FIGGHI SI DI IRU FORA

A FA' FURTUNA CU NA CATINA E PEDI

E TU RISTASTI TA STI QUATTRU MURA

CALABRIA MIA

CALABRIA MIA

SIMU MALATI D'AMURI SIMU MALATI

COMU A STI MANDULINI E STI CHITARRI

CIANGI STU CORI DI NOSTALGIA

CIANGI PI TTIA CALABRIA MIA

CIANGI STU CORI DI NOSTALGIA

CIANGI PI TTIA CALABRIA MIA

CIANGI STU CORI DI NOSTALGIA

CIANGI PI TTIA CALA........BRIA MIA

Visite: 4752